Një 20-vjeçar, shtetas francez, është gjetur pa shenja jete në afërsi të një lokali në Ksamil.
I riu dyshohet se është goditur me thikë gjatë një konflikti dhe për pasojë, ka humbur jetën. Në kërkim është shpallur autori i dyshuar S. V., 29 vjeç, i cili pas ngjarjes është arratisur.
“Rreth orës 05:15, në shezlongët e plazhit, para një lokali në Ksamil, është gjetur pa shenja jete shtetasi francez M. M., rreth 20 vjeç, i cili dyshohet se është goditur me mjet prerës (thikë).
Nga veprimet paraprake dyshohet se, gjatë një konflikti për motive të dobëta, 20-vjeçari është goditur me mjet prerës nga shtetasi S. V., 29 vjeç, banues në Has, i cili është larguar menjëherë pas ngjarjes.
Shërbimet e Policisë vijojnë kontrollet për lokalizimin dhe kapjen e autorit të dyshuar”, njofton policia.
