Një 38-vjeçar nga Berati ka humbur jetën në Spitalin Rajonal, pasi u gjet në gjendje të rënduar shëndetësore në banesën e tij.
Ngjarja ka ndodhur në lagjen “Barrikadë”, ku familjarët kanë gjetur 38-vjeçarin në gjendje të rëndë dhe kanë njoftuar menjëherë ambulancën.
I riu është transportuar në Spitalin Rajonal të Beratit, ku stafi mjekësor ka ndërhyrë për t’i shpëtuar jetën. Pavarësisht përpjekjeve të mjekëve, pas rreth dy orësh ai ka ndërruar jetë.
Nga autopsia mjeko-ligjore janë konstatuar substanca helmuese në trupin e 38-vjeçarit.
Ndërkohë, grupi hetimor vijon punën për zbardhjen e plotë të rrethanave të ngjarjes. Nga këqyrja paraprake e trupit nuk janë konstatuar shenja dhune.
