Një denoncim për zhdukjen e një shume parash është bërë në Policinë e Vlorës nga pronari i një pike të këmbimit valutor, i cili pretendon se një punonjëse e sapopunësuar është larguar duke marrë 5 mijë euro nga arka.
Sipas kallëzimit, e reja kishte nisur punën vetëm një ditë më parë në exchange, ndërsa pas marrjes së shumës së parave dyshohet se është larguar nga ambientet e biznesit dhe nuk është kthyer më.
Pasi konstatoi mungesën e punonjëses dhe të parave, pronari iu drejtua policisë, e cila ka nisur veprimet procedurale për zbardhjen e rrethanave të ngjarjes dhe verifikimin e pretendimeve të ngritura në kallëzim.
Ndërkohë, pronari i biznesit i ka bërë thirrje publike ish-punonjëses që të rikthejë shumën e marrë, duke shprehur gatishmërinë që çështja të zgjidhet pa pasoja të tjera.
