Në ekranet tona, politika luan dramën e perjetshme të armiqve të betuar: nga njëra anë kokat e selise blu që çjerrin fytin per pronat e qytetarëve, nga ana tjeter kaloresit e rilindjes që shpërndajnë koncesione me metër katror. Por kur fiktiviteti i fjalëpermendur bie dhe fasada çedon, del në pah arka e perbashket e interesit, ku oponentët e dites ndajnë frutat e tenderave dhe betonizimit me qetesine e një ortakerie notariale.
E gjithë kjo gjeografi e shfrytëzimit gjen mishërimin e saj te master-krijuesi i pasurive, oligarku Bashkim Ulaj, i cili prej vitesh ka dëshmuar se kategoria e tij nuk njeh ngjyra partiake, por vetëm llogari bankare. Gjatë epokes së PD-së ai ngriti perandorinë e koncesioneve dhe shkëmbeu metrat e pallateve të tij me kupolën e lartë berishiane, ndërsa nën regjimin e PS-së siguroi autostradat miliardeshe dhe lejet e resortit në Rrjoll nga duart e mazhorances aktuale.
Per ta bërë ketë bashkejetesë sa më vellazerore edhe në terren, skena na sjell një detaj plot shkelqim skenik: Borena Çelaj, dikur vokali i embël i skenave të femijeve te “Gjeniu i Vogël”, sot shfaqet në leter si investitore e madhe dhe aksionere e resortit “Blue Borgo” në Rrjoll.
Përtej nostalgjisë së mikrofonit, Borena nuk është thjesht një talent i zbuluar herët, por eshte vajza e deputetit të Partisë Demokratike, Isuf Çelaj njëkohësisht pjesë e rrethit familjar të Sali Berishës. Me firmën e dates 6 nëntor 2025, Bashkim Ulaj i ka transferuar asaj kuota aksionesh në shoqërinë që menaxhon projektin e Rrjollit, duke e vulosur ortakërinë e madhe të oborrit politik.
Kjo shpjegon qartesisht pse opozita e betuar zgjedh të hesht, te mos lëvizë asnjë gisht dhe të mos dalë kurrë fugishëm kundër shkatërrimit të Rrjollit apo aferave të betonit atje. Kur vajza e deputetit të partise bëhet pjese e aksioneve të oligarkut, çdo protestë kthehet në teatër. Në parlament bërtasin për betejë frontale, por në zyrat e noterisë dhe te pasurite bregdetare, pozita dhe opozita ndajne të njejtën tavolinë dhe të njëjtat dividende.
