Refit Buzi, i cili mëngjesin e kësaj të premteje vrau ish-vjehrrin, plagosi ish-vjehrrën dhe mori peng ish-partneren e tij, është ngujuar brenda automjetit dhe refuzon t’u bindet urdhrave të Policisë.
Sipas informacioneve paraprake, 35-vjeçari ka kërcënuar edhe me vetëvrasje, ndërsa në vendngjarje ndodhen efektivët e Policisë së Fierit dhe forcat speciale RENEA, të cilat po vijojnë negociatat për ta bindur të dorëzohet.
Pas ngjarjes së rëndë, Buzi mbajti për disa orë peng ish-partneren e tij, e cila më vonë u lirua. Sipas të dhënave paraprake, ajo ka marrë disa goditje me grushte në pjesën e shpinës.
Forcat e policisë kanë rrethuar zonën, ndërsa grupi hetimor po punon për zbardhjen e plotë të rrethanave të ngjarjes.
