Pas kritikës që iu bëri në mbledhjen e grupit, socialistët kanë filluar t’i dalin krah publikisht Ramës, duke hedhur sulme e leksione etike mbi protestuesit.
Një prej tyre është edhe deputetja Evis Kushi, e cila është shprehur ‘e shqetësuar’ për gjuhën që qytetarët përdorin në protestë. Kushi shprehet në video se protestuesit nuk mund të përdorin fyerje e sulme personale.
“Protesta është një e drejtë demokratike dhe zëri i qytetarëve duhet të dëgjohet. Por pakënaqësia nuk mund të justifikojë gjuhën e urrejtjes, fyerjet, mallkimet dhe sulmet personale. Demokracia forcohet nga argumenti dhe respekti, jo nga përçarja”, thotë deputetja socialiste.
Por, Kushi harron se kryeministri të cilit qytetarët po i kërkojnë dorëheqjen, i sulmon natë e ditë protestuesit. Madje, akti i fundit ishte fyerja që iu bëri për “Financial Times” duke iu drejtuar me fjalët: “Njerëzit thonë se unë jam udhëheqësi i gjithë kësaj. Unë u them ‘fuck you’”.
