Zbardhen detaje të reja nga vrasja që tronditi Kamzën këtë të hënë. Sipas informacioneve paraprake, autor i dyshuar i ngjarjes është Sadik Llanaj, ndërsa viktima është identifikuar si 26-vjeçari Ardian Baloshi.
I riu mbeti i plagosur rëndë pas të shtënave me armë zjarri dhe u dërgua me urgjencë në Spitalin e Traumës në Tiranë. Megjithatë, për shkak të plagëve të marra, ai nuk mundi t’u mbijetojë dëmtimeve dhe ndërroi jetë pak më vonë.
Burime nga grupi hetimor dyshojnë se konflikti që çoi në ngjarjen tragjike ka nisur pas një përplasjeje mes personave të përfshirë, pas një ndeshjeje kalçetoje. Megjithatë, rrethanat e sakta dhe dinamika e plotë e ngjarjes mbeten ende nën hetim.
Ndërkohë, në vendin ku ndodhi krimi janë parë forca të shumta policie, ndërsa zona është rrethuar me shirita sigurie për të lejuar kryerjen e veprimeve hetimore.
