Prokuroria e Tiranës ka dërguar në gjyq 6 persona dhe 5 shoqëri biznesi, pasi akuzohen për disa vepra penale, përfshirë mashtrimin, pastrimin e produkteve të veprës penale, fshehjen e të ardhurave dhe mospagimin e taksave.
Në njoftimin e prokurorisë thuhet se hetimet nisën pas kallëzimit të një shtetaseje, e cila kishte dhënë një hua prej 2.2 milionë eurosh për investim në biznes, por sipas organit të akuzës, shuma nuk u kthye dhe u përdor në mënyrë të kundërligjshme.
