Një tjetër denoncim për degradimin e rrugëve të inaguruara me bujë nga qeveria, është publikuar këtë të martë.
Deputetja e Partisë Demokratike, Denisa Vata, në një postim në rrjete sociale, ka publikuar pamjet nga situata dramatike në Unazën e Burrelit.
Sipas pamjeve, duket se Unaza, e cila u ndërtua në 2025 me fond publik prej 1.2 milion euro, është shembur dhe degraduar në disa segmente vetëm një muaj pas përfundimit.
Sipas Vatës pamjet kanë nxjerrë në pah një dështim të zinxhirit të kontrollit publik dhe mungesës së përgjegjësisë nga institucionet dhe firmat e përfshira në projekt, ndërsa shton se këta të fundit duhet të dalin para drejtësisë.
“Askush nuk mund të fshihet pas një shkrese. Sepse dokumentet ekzistojnë. Korrespondenca ekziston. Firmat ekzistojnë. Tani duhet të ekzistojë edhe përgjegjësia”,- shkruan Vata ndër të tjera krahas pamjeve të publikuara në fb
