Një ngjarje e rëndë është shënuar mesditën e sotme në Orikum. Rreth orës 13:30, policia u njoftua nga urgjenca mjekësore se një grua ishte gjetur pa shenja jete në banesën e saj, me shenja dhune.
Nga veprimet e para hetimore dyshohet se viktima, shtetasja S. Xh., 40 vjeçe, është vrarë nga bashkëshorti i saj, shtetasi Ll. Xh., 50 vjeç.
Pas kontrolleve të ushtruara nga shërbimet e Policisë në zonën përreth banesës, autori i dyshuar është gjetur i pajetë në garazh, ku dyshohet se është vetëvrarë me armë zjarri.
Në vendngjarje u sekuestrua një armë pistoletë, në cilësinë e provës materiale.
Grupi hetimor, nën drejtimin e Prokurorisë, vijon punën për dokumentimin e plotë të rrethanave të kësaj ngjarjeje të rëndë, ndërsa priten detaje të mëtejshme nga hetimet.
