Deputeti socialist, Erion Braçe, ka denoncuar një krim mjedisor nga qendra shëndetësore në zonën e Selitës në kryeqytet.
“Në këtë qytet, po nuk u çmende, është fat! Në mes të Selitës, papërgjegjshmëri e bashkisë që instiston të mbajë koshat e plehrave në derë të qendrës shëndetësore, postës e kopshtit 4. Papërgjegjshmëri e njerëzve që vijnë e hedhin mbetjet inerte të punimeve në shtëpitë e tyre këtu!
Në këtë qytet është e kot të shqetësohesh, angazhohesh, flasësh, sepse gjithkush me shumë pushtet për të vendosur koshat, më pak pushtet për të hedhur mbetjet e veta, nuk dëgjon”.
Braçe propozon të shikohen kamerat e të gjobitet individi i papërgjegjshëm.
