Eurodeputeti Fredi Beleri, ka komentuar zhvillimet më të fundit politike në vend, teksa u ndal te urdhëri i Ramës për shkarkimin e drejtorëve
I ftuar në Syri TV, Beleri u shpreh se pushteti në Shqipëri është autokrat dhe sipas tij i ngjan një diktature.
Ai shtoi se në asnjë vend të Europës kryeministri nuk “kërcënon” kryebashkiakët duke i detyruar që të bëjnë shkarkime masive në administratën lokale.
“Shumë eurodeputetë duan që të avancojë procedura e anëtarësimit. Por në qoftë se shkelja e së drejtës dhe ndarja e pushteteve nuk funksionin në Shqipëri. Atëherë vendi nuk ka për tu bërë pjesë e BE. Të gjithë e dinë që, po të lexoni raportin e vëzhguesve të parlamentit evropian për zgjedhjet e fundit, po ta përshkruaj me një fjalë raporti thoshte se zgjedhjet u vodhën deri të shtunën të dielën procesi ishte në rregull. Ky do të jetë edhe qëndrimi besoj i OSBE. Që gjithë procesi kishte shkelje. Kishte pensionet e pamerituara. Falje gjobash. Presion ndaj administratës. Ndërhyrje te krimit të organizuara. Por ditën e diele procesi ishte në rregull. Dhe me një fjale zgjedhjet kishin mbaruar të shtunën.
Opozita në Shqipëri është në një hall të madh. Sepse pushteti në Shqipëri është autokrat dhe i ngjan një diktature që shitet si një demokraci në BE. Këtu duhet të sensibilizojnë që nuk funksionon asgjë. Nëse do të shikojmë çfarë ndodh ditët e fundit. Në cilin shtet të Evropës kryeministri do urdhëronte kryetarët e bashkive për të ndryshuar administratën. Kjo është që nuk funksionin ndarja e pushteteve. Në bazë të Kushtetues shqiptare, kryebashkiaku është ai që del direkt me votën e popullit.”, tha Beleri.
