Është shtyrë seanca gjyqësore për Dosjen “Plumbi i Artë”.
Mësohet se shkak për shtyrjen është bërë mungesa e avokatit Artan Simoni që mbron bashkëpunëtorin e drejtësisë Nuredin Dumani.
Seanca e radhës është caktuar të mbahet më 2 shtator.
Të pandehurit e dosjes “Plumbi i Artë” akuzohen për disa vrasje, atentate të mbetur në tentativë dhe vjedhje me dhunë, të zbardhura pas dëshmisë së bashkëpunëtorit të drejtësisë Nuredin Dumani. Pjesa më e madhe e krimeve janë kryer me pagesë.
