Portali “Gjurmuesi” ka paralajmëruar publikimin e një videoje ekskluzive që pritet të trazojë opinionin publik dhe të vërë në lëvizje institucionet ligjzbatuese.
Sipas njoftimit të shpërndarë më 15 korrik 2025, pamjet filmike do tregojnë dy zyrtarë të Bashkisë Kukës duke marrë para në emër të kryebashkiakut Albert Halili.
Skandali i paralajmëruar është cilësuar nga portali si “korrupsion me zë dhe figurë” dhe vjen në një kohë kur qytetarët kërkojnë më shumë transparencë nga institucionet vendore. Identiteti i dy titullarëve të përfshirë nuk është bërë ende publik, ndërsa pritet që videoja të zbulohet në ditët në vijim.
Në njoftim thuhet se ky akt ngre “pikëpyetje të mëdha mbi integritetin e institucionit vendor” dhe pritet të ketë pasoja të forta politike dhe ligjore.
Reagimet nga Bashkia Kukës apo vetë kryetari Albert Halili ende mungojnë. Ndërkohë, publikimi i videos pritet me interes të lartë nga qytetarët dhe mediat.
