Shtatë administratorë të njësive që janë në varësi të Bashkisë Gjirokastër kanë paraqitur dorëheqjen e tyre nga pozicionet drejtuese. Dorëheqjet vijnë pas urdhrit të Ramës për spatruar stafin e bashkive.
Konkretisht janë administratorët e Njësive Gjirokastër, Cepo, Lazarat, Lunxheri, Antigone, Odrie dhe Picar.
Sipas kryetarit të Bashkisë Gjirokastër, Flamur Golemi për të gjithë këta administratorë do të vijojë të shqyrtohet performanca e gjithsecilit ndërsa do të vijojnë te kryejnë detyrat funksionale deri në vendimin përfundimtar.
Kujtojme qe 14 administratorë dhe 2 nënkryetarët e bashkisë së Kukësit janë larguar nga detyra.
Lajmi është konfirmuar nga bashkia në një njoftim zyrtar. Pak më parë, u dorëhoqën drejtuesit e njësive vendore në bashkitë Elbasan, Korçë dhe Kolonjë.
“Më datë 10 Korrik 2025, u zhvillua analiza e punës për performancën e institucionit të Bashkisë Kukës për periudhën Janar–Qershor 2025.
Në funksion të përmirësimit të punës dhe rritjes së nivelit të shërbimit ndaj qytetarëve, Kryetari i Bashkisë Kukës vendosi të shkarkojë nga detyra 14 administratorë të Njësive Administrative dhe 2 nënkryetarë të Bashkisë.
Puna do të vijojë me fokus në përmirësimin e treguesve të performancës në të gjithë sektorët ku janë evidentuar problematika, si dhe me vëmendje të shtuar ndaj cilësisë së shërbimeve për qytetarët”, thuhet në njoftimin zyrtar të bashkisë.
