Hetimet për ngjarjen e datës 9 maj 2025 në Maqellarë kanë çuar në referimin e materialeve procedurale pranë SPAK për veprën penale “Korrupsioni aktiv në zgjedhje”.
Burime zyrtare nga Drejtoria Vendore e Policisë Dibër bëjnë me dije se në pranga të hetimit kanë rënë dy shtetas: H. M., 54 vjeç dhe F. P., 57 vjeç.
Njëri prej tyre, sipas informacioneve paraprake, është një biznesmen i njohur nga Burreli.
Të dy dyshohen se kanë qenë të përfshirë në blerje votash në favor të kandidatit Agron Malaj.
Materialet janë tashmë në duart e Prokurorisë së Posaçme kundër Korrupsionit dhe Krimit të Organizuar, që ka nisur procedurat për hetimin e plotë të çështjes.
Ende nuk ka një reagim zyrtar nga Agron Malaj, ndërsa hetimet vijojnë për të zbardhur plotësisht skemën dhe përfshirjen e mundshme të personave të tjerë.
Drejtoria Vendore e Policisë Dibër
Në vijim të hetimeve të kryera lidhur me ngjarjen e datës 09.05.2025, në Maqellarë, u referuan materialet procedurale pranë SPAK, për veprën penale “Korrupsioni aktiv në zgjedhje”, në ngarkim të shtetasve H.M., 54 vjeç; dhe F.P., 57 vjeç.
