Partia Socialiste në Vlorë i ka drejtuar një kërkesë zyrtare Komisionit Qendror të Zgjedhjeve për shtyrjen e orarit të votimit nesër në 11 maj.
Sipas shkresës zyrtare, PS kërkon që procesi i votimit në qytetin bregdetar të zgjasë deri në orën 22:00, përtej orarit zyrtar të parashikuar nga Kodi Zgjedhor, që është ora 19:00 me preteksin se etapa e tretë e garës së çiklizmit “Giro D’Italia” do të zhvillohet edhe në qytetin e Vlorës.
Me zhvillimin e kësaj gare Policia e Shtetit dhe institucionet përgjegjëse kanë parashikuar masa të shtuara sigurie dhe kufizime në qarkullimin rrugor, ndaj ky bllokim pritet të ndikojë në qendrat e votimit.
