Kandidatja për deputete, Taulanda Jupi, zhvilloi sot një takim në Njësinë nr. 11 të Tiranës, ku ishte e shoqëruar nga kreu i Partisë Demokratike, Lulzim Basha, dhe z. Neritan Vladi.
Mes qytetarëve, Jupi deklaroi se energjia dhe mbështetja që mori nga banorët e kësaj zone tregojnë qartë se ndryshimi nuk është më një ëndërr, por një domosdoshmëri.
“Njerëzit më pritën jo si politikane, por si njëra prej tyre. Në sytë e tyre pashë besimin që më jep forcë çdo ditë. Sot, Njësia 11 foli qartë: mjaft më me të vjetrën dhe maskat e ricikluara,” – u shpreh Jupi.
Ajo theksoi se është futur në këtë betejë për të kthyer dinjitetin qytetarëve dhe për t’i dhënë vendit drejtimin që meriton.
“Erdhi koha për njerëz që nuk i frikësohen të vërtetës dhe që nuk e përdorin pushtetin për vete, por për shumicën e heshtur të shqiptarëve,” deklaroi Jupi, duke përmbyllur fjalën e saj me bindjen: “Ne do të fitojmë!”
