Fatbardh Sallaku, rektori i Universitetit Bujqësor të Tiranës, foli nga dëgjesa me grupin e PS që Rama njoftoi një ditë më parë, pasi SPAK dha 25 masa sigurie për stafin e UBT për abuzim me tenderat.
Sallaku u shpreh se nuk është rastësi që sot, jep llogaria para PS për korrupsionin e pedagogëve. Rektori i UBT tha se lajmin e ka marrë vesh nga mediat dhe deklaroi se çështja do të mbetet në dorën e drejtësisë.
“Jam këtu në grupin e mazhorancës qeverisëse, nuk është e rastësishme, mund të dilja edhe në konferencë shtëpi, por nuk duhet të shkëputet asgjë nga konteksti, e kam detyrim për stafin akademik, për studentët, për prindërit, për partnerët. Unë dua t’ju bëj me dije që dje, edhe unë e kam marrë vesh nga media, kam mbledhur asamblenë akademike të UBT, kemi sqaruar situatën dhe dua të konfirmoj faktin që nuk komentojmë asnjë vendim të drejtësisë. Ne besojmë që do ketë proces të ndershëm. Besoj që shumica e pedagogëve të mi i përkasin njerëzve të ndershëm. Asnjë proces nuk e zhbën realitetin në UBT. Çdo koleg që është pjesë e masave të ndryshe që janë dje, duke filluar nga dje ka filluar beteja për të pastruar emrin e vet”, tha Sallaku.
