62 vjeçari Alban Dauti është arrestuar në Fier pasi ishte shpallur në kërkim ndërkombëtar nga italia.
Dauti rezulton i dënuar nga autoritetet gjyqësore në Milano me 8 vjet e 8 muaj burgim për veprën penale “Trafikimi i lëndëve narkotike” kryer në kuadër të organizatës kriminale.
Interpol Tirana po bashkëpunon me homologët italianë për të kryer ekstradimin në Itali.
“Në kuadër të bashkëpunimit të ngushtë me partnerët italianë, me objektiv nxjerrjen përpara drejtësisë, të shtetasve të shpallur në kërkim ndërkombëtar, Drejtoria e Forcës së Posaçme Operacionale e DPPSh-së, gjatë operacionit “Operacionalja 31”, lokalizoi dhe kapi në Fier, shtetasin Alban Dauti, 62 vjeç, i lindur në Fier.
Autoritetet gjyqësore në Milano e kanë dënuar këtë shtetas me 8 vjet e 8 muaj burgim, për veprën penale “Trafikimi i lëndëve narkotike”, kryer në kuadër të organizatës kriminale.”– njofton policia.
