Një aksident është regjistruar mbrëmjen e kaluar në aksin rrugor “Korçë-Pogradec”, pranë fshatit Symiz të Maliqit.
Një automjet tip “Audi” që drejtohej nga 37-vjeçari Gerald Çuka ka përplasur një këmbësor, ende të pa identifikuar, i cili për pasojë ka ndërruar jetë në vendin e ngjarjes.
Mësohet se “Audi” ka qenë duke lëvizur nga Pogradeci në drejtim të Maliqit.
Dyshohet se shpejtësia tej normave të lejuara dhe mungesa e ndriçimit, mund të kenë qenë shkaqet e aksidentit.
Shoferi Gerald Çuka është shoqëruar në komisariat për veprime të mëtejshme.
Policia thotë se grupi hetimor po punon për zbardhjen e rrethanave të aksidentit dhe identifikimin e viktimës.
