Kole Manaj qëlloi me armë zjarri mbi partneren e tij, Anila Ndoka (Prendushi), e cila ndodhet në gjendje të rëndë për jetën.
44-vjeçarja ka marrë një plumb në kokë dhe aktualisht po lufton për jetën. Ajo është nënë e 3 fëmijëve nga martesa e parë. Ndoka ishte divorcuar 6 vite më parë nga ish-bashkëshorti dhe prej 5 vitesh bashkëjetonte me Kole Manajn.
Anila Ndoka punonte si punonjëse sociale dhe aktualisht punonte për një qendër komunitare pranë Bashkisë Shkodër.
Të afërmit e Anila Ndokës tregojnë se 34-vjeçari ishte i papunë dhe dyshohet se shkak për ngjarjen të kenë qenë problemet ekonomike. Ata përjashtojnë xhelozinë si motiv.
Më parë, Kole Manaj ka punuar si efektiv policie.
