Një qytetar denoncoi publikisht paraditen e sotme trajtimin sipas tij të gabuar ndaj së motrës, në “Spitalin Amerikan 2”, në Tiranë. Pas denoncimit, e reja humbi jetën në spital.
Një qytetar tha për “JOQ” këtë të martë se e motra ndodhej në gjendje të rëndë pas një operacioni në “Spitalin Amerikan” për humbjen e peshës, që kushtoi 2 mijë euro. Ndërhyrja kirurgjikale, sipas tij ishte e gabuar, pasi e motra ishte e sëmurë me kancer dhe trajtohej për këtë sëmundje.
Për çfarë e ka bërë operacionin?
Janë bërë analizat para se të futej në operacion?
“Janë bërë çdo gjë”.
A ishte në dijeni mjekja (për sëmundjen e kancerit)?
“Po mjekja ishte në dijeni për çdo gjë. Ka kartelën, e ka parë”.
Dhe gjatë ditës së sotme çfarë ndodhi?
“Motra ime u paraqit në reanimacion, është shumë keq. Është shumë rëndë, s’ka shpresë”.
Çfarë iu thanë mjekët?
“Do ta konsultojmë, ishalla behët motra mirë, tha. Edhe unë atë dua të bëhet motra mirë. Duhet të vihet para drejtësisë mjekja, është jetë njeriu, nuk është pule. E di çdo të thotë të humbësh një motër?! Kështu që i bëj thirrje organeve kompetente të marrin masa për këtë mjeken Rezarta Kapaj se kjo e ka marrë gjithë përgjegjësinë. Mjekësia në Shqipëri ka marrë fund dhe vendi jonë ka marrë fund. Duhet të kemi drejtësi. Këtu vijnë njerëzit për të shëruar apo për të vdekur se s’po e marr vesh?! Motra vjen për t’u shëruar dhe vdes. Paguan dhe 2 mijë euro dhe vdes”, tha denoncuesi.
Disa orë pas deklaratave, e motra humbi jetën pas operacionit te Amerikani.
Raportohet se ka policia ka mësyrë në ambientet e spitalit, ndërsa trupi i pajetë i së ndjerës do ti nënshtrohet një autopsie.
Zyrtarisht, policia e Tiranës nuk ka bërë asnjë njoftim për rastin në fjalë, ndërsa nuk është hera e parë që spitali Amerikan denoncohet për ngjarje të tilla të rënda.
