Policia çeke ka arrestuar tre persona, mes tyre edhe një shqiptar, pasi dyshohet se kanë trafikuar qindra kilogramë kokainë duke e fshehur mes bananeve.
Shqiptari i arrestuar ishte një personazh i njohur për policinë, shkruan gazeta BILD.
Por mes të arrestuarve është edhe një menaxher i nivelit të lartë te rrjeti i supermarketeve LIDL.
Ai e njihte këtë rrjet me detaje, kishte kontakte me shoferët e kamionëve dhe kujdesej çdo ditë për mallrat që vinin.
Menaxheri i LIDL thuhet se është i zhytur thellë në trafikun e kokainës, e cila mbërrinte nga Amerika Latine në portin e Hamburgut dhe më pas transportohej drejt Çekisë.
Një zyrtar policor tha se menaxheri i LIDL ka shfrytëzuar pozicionin e tij te rrjeti ndërkombëtar i supermarketeve, ku kishte një ndikim domethënës te logjistika.
Në qershor të këtij viti, autoritetet çeke zbuluan 840 kg kokainë të fshehur mes bananeve në disa supermarkete. Vlera në treg shkonte deri në 80 milionë euro.
