Një aksident me pasojë vdekjen e një personi ka ndodhur në aksin rrugor Fushë Krujë-Vorë.
Mësohet se aksidenti ka ndodhur mëngjesin e sotëm. Burime për BalkanWeb bëjnë me dije se viktimë ka mbetur shoferi, ndërsa dy persona të tjerë që ndodheshin në mjet janë lënduar.
Nga të dhënat paraprake, mësohet se mjeti me targa kosovare, ka hyrë në parakalim të gabuar. Pritet që të tjera detaje të dalin në dritë.
