21-vjeçar ra në prangat e policisë pasi përplasi një efektiv gjatë detyrës.
Ngjarja ka ndodhur rreth orës 01:00 në rrugën “Xhanfize Keko”, ndërsa polici S. Sh., 30 vjeç ndodhet në spital në kujdesin e mjekëve.
Sipas mjekëve të Urgjencës tek Trauma, polici ka marrë dëmtime në kokë dhe gjymtyrë.
“Sektori i Qarkullimit Rrugor arrestoi në flagrancë shtetasin R. B., 21 vjeç, pasi rreth orës 01:00, të datës 26.12.2024, në rrugën “Xhanfize Keko”, ka aksidentuar punonjësin e Policisë së Patrullës në shërbim, shtetasin S. Sh., 30 vjeç, i cili ndodhet në spital, në kujdesin e mjekëve”, sipas njoftimit të policisë.
