Detaje të reja janë bërë publike në lidhje me gjendjen shëndetësore të 11-vjeçarit D. Demiraj, i cili mbeti i plagosur gjatë atentatit me armë zjarri të ndodhur mbrëmjen e djeshme pranë zonës së Lundrës në Tiranë.
Burime nga spitali bëjnë me dije se i mituri ndodhet nën kujdesin e mjekëve me parametra të qëndrueshëm, ndërkohë që është vendosur që ai të dërgohet për trajtim më të specializuar në një spital në Romë, Itali.
Ngjarja e rëndë ndodhi ndërsa 11-vjeçari po kthehej nga festa e ditëlindjes së tij. Mjeti tip “G-Class” me të cilin po udhëtonte u qëllua me breshëri plumbash nga persona ende të paidentifikuar, duke lënë disa persona të plagosur.
