Presidenti ukrainas, Volodymyr Zelensky, paralajmëroi sot se Kievi ka planifikuar të zgjasë sulmet me dronë dhe raketa ndaj rajoneve të tjera ruse.
“Kapacitetet për sulme me rreze të gjatë janë një komponent i pavarësisë sonë dhe do të jenë elementi më i rëndësishëm për garantimin e paqes,” tha ai në mesazhin e tij mbrëmjes.
Ai shtoi se udhëheqësit ushtarakë kishin diskutuar objektivat e sulmeve deri në fund të vitit, duke përfshirë një “zgjerim gjeografik” të sulmeve.
Megjithatë, një ditë më parë, Zelensky kishte pranuar për një “problem teknik” me prodhimin e raketave ukrainase të planifikuara prej kohësh, të njohura si “Flamingo”.
Ukraina ka rezistuar ndaj pushtimit rus për më shumë se tre vjet e gjysmë dhe ka kryer sulme të përsëritura thellë brenda territorit rus, kryesisht me dronë.
Autoritetet ruse thanë të shtunën se kishin interceptuar një sulm të madh ukrainas me dronë mbi Moskë.
