Xhemal Gjunkshi ka qenë ditën e sotme në një takim në Dibër me banorët e Lurës ku ka diskutuar mbi ristrukturimin e degës së PD.
Ai shprehet se Lura dhe e gjithë zona e Dibrës do të marrë vëmendjen e duhur dhe infrastrukturën që meriton.
“Anëtarët demokratë janë të angazhuar me seriozitet në konfirmimin e nismave të PD për pastrimin e politikës nga korrupsioni dhe lidhjet me krimin e organizuar, si një ndër reformat kyçe për integrimin europian të Shqipërisë dhe kthimin e saj në stabilitet”, shkruan ndër të tjera Gjunkshi.
Statusi i tij:
Sot në Lurë organizuam një takim të rëndësishëm me demokratët ku diskutuam mbi ristrukturimin e degës së PD.
Lura mbetet një nga zonat më të braktisura nga investimet dhe programet e bashkisë, nga deputetët e mazhorancës dhe të qeverisë qendrore, e cila kujtohet ta përmendë Lurën vetëm në propagandën për zhvillimin e turizmit malor.
Si një vatër e mbështetjes të pakushtëzuar të PD , komuniteti i Lurës është i bindur se vetëm me fitoren e PD zona, sikurse edhe e gjithë Dibra do të marrë fokusin e vëmendjen e duhur dhe do të ketë infrastrukturën që meriton.
Anëtarët demokratë janë të angazhuar me seriozitet në konfirmimin e nismave të PD për pastrimin e politikës nga korrupsioni dhe lidhjet me krimin e organizuar, si një ndër reformat kyçe për integrimin europian të Shqipërisë dhe kthimin e saj në stabilitet.
