Gjykata në Volos vendosi arrest shtë[ie për Fatmir Terallarin, i cili dyshohet se vrau kunatin e tij 33-vjeçar, pas dyshimeve se viktima i kishte përdhunuar të bijën.
Vendimi është pritur me lot dhe duartrokitje nga familjarët e Fatmir Terallarit.
Në një deklaratë për mediat avokatët e tij u shprehën se ndihët mrekullisht mirë pas vendimit të gjykatës për ta lënë të lirë më kusht.
“Ndihemi shumë mirë pas vendimit, ashtu si dhe gjithë shoqëria greke”, tha një prej avokatëve të 50-vjeçarit.
Krimi ndodhi 5 ditë më parë, ndërsa sipas raportimeve vajza ishte përdhunuar për 9 vite me rradhë nga vëllai i njerkës së saj.
50-vjeçari shqiptar Fatmir Terallari, ekzekutoi kunatin e tij, pasi mësoi se ky i fundit i kishte përdhnuar për 9 vjet vajzën. Gjithçka që kishte ndodhur në shtëpi që prej moshës 9-vjeçare, u denoncua në policinë e Volosit nga vajza ditën e krimit.
Vajza, tashmë 18-vjeç, ka treguar në polici se si filloi abuzimi dhe se si së fundmi ai i dërgonte video në cellular, duke i kërkuar paratë.
Ajo i ka paraqitur policisë mesazhet e viktimës dhe i ka dorëzuar celularin, në të cilën viktima i dërgonte videot për t’i bërë presion psikologjik.
Në të njëjtën kohë, babai 50-vjeçar përshkroi në polici se si mësoi nga vajza e tij makthin që ajo jetonte dhe si mori vendimin për të vrarë vëllain e gruas së tij.
Siç tha ai, madje e kuptoi se diçka nuk shkonte kur vajza e tij, e cila studionte, filloi të mos paguante qiranë e banesës dhe t’i kërkonte dhe më shumë para.
“Herën e fundit që vajza ime studionte vazhdimisht më kërkonte t’i dërgoja para. E dija se diçka nuk shkonte kur pronari i banesës ku jeton më telefonoi duke i thënë se i kishte borxh qiranë ndërsa unë dhe nëna e saj po i dërgonim para rregullisht. Kur fola me fëmijën për të parë çfarë po ndodhte ajo filloi të qante dhe më tregoi gjithcka jetonte prej kaq vitesh me 33-vjecarin që e përdhunonte dhe videot që kishte duke e shantazhuar dhe duke i marrë paratë, ai më helmoi fëmijën, bëra atë që duhej të bëja, jam baba…”, ka thënë ai.
50-vjeçari ka marrë armën, ka njoftuar bashkëshorten dhe i ka thënë se i është dëmtuar makina duke i kërkuar të thërrasë vëllanë dhe të shkojë ta gjejë për ta ndihmuar.
Autori i ka zënë pritë viktimës së tij, duke e qëlluar në gjoks dhe fytyrë dhe është dorëzuar menjëherë në polici.
