Detaje të reja janë zbardhur nga ekzekutimi i 48-vjeçarit Lulzim Visha nga Kamza, i cili u gjet i vrarë me armë zjarri brendaj një automjeti në Zall Mner të Tiranës, pranë liqenit të Bovillës.
Burime bëjnë me dije se brenda automjetit të viktimës janë gjetur 12 gëzhoja pistolete, teksa dyshohet se autori ka përdorur një armë zjarri me silenciator.
Nga kqyrja e pamjeve filmike të kamerave të sigurisë në zonën ku ndodhi ngjarja, është konstatuar një automjet tip “Porsche” ngjyrë gri, i cili dyshohet se është përdorur nga autori/ët për t’u larguar nga vendi i ngjarjes pas kryerjes së vrasjes.
48-vjeçari punonte si postier dhe është ekzekutuar brenda automjetit të punës që i përket kompanisë “Postman”, që dërgon pako në gjithë Shqipërinë.
Policia ka ngritur pika kontrolli, teksa ende nuk dihet nëse a është identifikuar pronari i automjetit tip “Porsche”, e cila dyshohet se është përdorur nga autori për t’u larguar nga vendi i ngjarjes.
Nga hetimet paraprake, burime pranë grupit hetimor bëjnë me dije se pista kryesore është ajo e hasmërisë, pasi i vëllai i viktimës ka vrarë një person disa vite më parë.
Lulzim Visha është vëllai i Besnik Vishës, ku ky i fundit ka vrarë më armë zjarri për motive të dobëta Refik Domin, ngjarje e kjo e ndodhur në afërsi të Universitetit Bujqësor Tiranë më datë 10 Prill të vitit 1997.
Gjykatës e Tiranës e ka dënuar Besnik Vishën më 29 Qershor të vitit 2001 me 12 vjet burgim, për veprat penale të “Vrasjes me dashje” dhe të “Armëmbajtjes pa leje”. Ai ka qenë për disa vite në kërkim, teksa është arrestuar në Tetor të vitit 2009.
Aktualisht Besnik Visha ndodhet jashtë shtetit. Përveç hasmërisë, Policia po heton edhe konfliktet që mund të ketë pasur së fundmi, edhe viktima, edhe i vëllai.
