Babai i Sulo Halilit, 27-vjeçarit shqiptar i cili u qëllua me armë zjarri dhe u dogj brenda makinës në Greqi ka dhënë detaje mbi ngjarjen e rëndë.
Në emisionin “Me Zemër të Hapur” ai ka rrëfyer se i biri ishte i martuar para 4 vitesh dhe ishte baba i dy fëmijëve. Ai thotë se martesa e tij ishte pak problematike, dhe se ditën e fundit ai kishte qënë në shoqërinë e një shoku.
Ai thotë se ka qënë nusja e 27-vjeçarit që e ka telefonuar për ngjarjen, ndërsa shton se trupi i 27-vjeçarit është identifikuar nga ADN-ja.
“Më njoftoi nusja e djalit për ngjarjen. Ditën që u zhduk, djali shkoi të merrte patentën. Ishte me një shokun e tij, më pas u ndanë bashkë, kur ai e telefonoi më pas telefoni dilte i fikur. Im bir nuk kishte konflikte me askënd. Askush nuk e ka kërcënuar të paktën unë nuk kam dijeni. Ai ishte shumë i qetë, kishte gati 6-7 vite që jetonte në Greqi. I martuar kishte 4 vite. Martesa ishte pak problematike, por nuk di më shumë se cili ishte shkaku. Kanë 2 fëmijë bashkë, të mitur. Trupi i tim biri u identifikua vetëm në sajë të ADN-së, analizat u krahasuan me gjakun që dhashë unë”, u shpreh ai.
Sipas raportit mjeko-ligjor, Sulo Halili u qëllua të paktën me një plumb, përpara se trupi i tij të digjej brenda makinës. Vrasësit raportohet se nuk lanë asnjë gjurmë pas. Ata përdorën një makinë të vjedhur me targa të rreme që korrespondonin me një automjet identik.
