Autori i vrasjes së 14-vjeçarit Martin Cani, Mario Perlleshaj mësohet se pas daljes nga spitali është arrestuar nga policia dhe ndodhet në burg.
Sipas raportimeve, bëhet me dije se i mituri, do të dalë nesër (22 nëntor) përpara gjykatës, për t’u njohur me masën e sigurisë.
Kujtojmë se sipas policisë, autorit është komunikuar masa e “arrestit në burg” në ambientet e një spitali privat në Tiranë, ku ai ishte shtruar për të marrë ndihmë mjekësore, pasi kishte dëmtuar me thikën e tij ligamentet e dorës gjatë konfliktit.
Rasti tragjik i vrasjes së adoleshentit ndodhi pak metra larg shkollës 9-vjeçare “Fan Noli”, ku pas një konflikti mes adoleshentëve, mbeti i vrarë Martin Cani dhe u plagos shoku i tij.
14-vjeçari është arrestuar nën akuzën “Vrasja me dashje e kryer ndaj të miturit” dhe “Prodhimi, mbajtja, blerja apo shitja pa leje e armëve të ftohta”.
