“Big Market”, një prej rrjeteve më të mëdha të supermarketeve në vend është vendosur në fokus të kritikave të publikut, pasi dy ditë më parë një denoncim zbuloi skemën që përdoret për të vjedhur qytetarët.
E gjitha lidhet me ndryshimin e çmimeve! Tjetër në raft, e tjetër në kasë.
Një qytetar nga Kamza i është drejtuar JOQ për të denoncuar një rast personal. Ai ishte në market ku bleu disa ushqime, mes tyre dhe “Djathë Kaçkavall Lope”.
Në momentin që e peshoi, çmimi i produktit ishte 214.50 lekë. Kur shkoi në shtëpi dhe pa faturën me kujdes, kuptoi se “Big Market Europa” në Kamëz e kishte vjedhur, pasi në faturë çmimi ishte 264.00 lekë.
Vjedhja në këtë rast është plot 50.5 lekë!
Ky rast duhet të shërbejë si një mesazh për të treguar më shumë kujdes me vjedhjet “sy për sy” që bëjnë disa biznese ndaj klientëve të pavetëdijshëm.
