Kryeministri Edi Rama u shfaq sot në seancë plenare, atje ku brenda pak minutash u vendos për heqjen e imunitetit për ish-Kryeministrin Sali Berisha, duke i hapur kështu rrugën SPAK-ut për të kërkuar në GJKKO masë arresti me burg ose shtëpie për kreun e demokratëve.
Por Rama nuk ka hyrë në sallën e Kuvendit nga dera ku hyjnë të gjithë ligjvënësit, e cila ishte blinduar me gardistë, të cilët nuk kanë lejuar të futen në Kuvend deputetët e përjashtuar dhe kanë ushtruar kontrolle ndaj ligjvënësve opozitarë.
VIDEO e mëposhtme tregon Kryeministri që ecën qetë qetë, dhe shfrytëzon një nga hyrjet nga pas Akademisë së Shkencave për tu futur në sallën e seancave plenare.
Pamjet janë publikuar në rrjet nga deputetja demokrate Ina Zhupa, e cila shkruan “jua si hyn në Parlament Rama, fshehurazi nga zyra e Skënder Gjinushit!”.
