Rey Manaj nuk ndalet. Sulmuesi shqiptar ka shënuar përsëri me Sivassporin në Superligën turke, duke gjetur golin e 13-të në kampionat.
26-vjeçari, i cili po kalon një formë të shkëlqyer sportive, zhbllokoi takimin në transfertë kundër Hataysporit në minutën e 18’.
“Predha” e Manajt u ndal në rrjetën kundërshtare, teksa ky është eurogoli i dytë radhazi nga goditja e dënimit.
Avantazh i rëndësishëm për Sivassporin dhe 13 gola gjatë këtij edicioni në Superligë për lushnjarin, i cili nuk ka ndërmend të ndalet.
