Një moment ‘përplasjeje’ mes Ramës dhe ministrit Blendi Gonxhe është regjistruar gjatë ceremonisë së inaugurimit të Muzeut Arkeologjik të Durrësit, një ditë më parë. I pranishëm në ceremoni ka qenë edhe ambasadori i BE-së në Tiranë, Silvio Gonzato.
Në kohën kur përkthyesja ishte duke folur me ambasadorin Gonxhe ka ndërhyrë për të folur dhe ky moment ka shkaktuar acarim te Rama. Kryeministri i ka kërkuar Gonxhes ta lejojë përkthyesen të flasë e të mos ndërhyjë. “Lere mo burrë të flasë, lere mos e ndërprit, se më shkatërrove”, dëgjohet t’u thotë Rama në video.
Momenti u kalua me të qeshur dhe sportivitet nga përkthyesja dhe ambasadori, ndërsa ministri nuk bëri reagim.
