Kreu i Bashkisë së Tiranës, Erion Veliaj, njihet si një ndër politikanët më mashtrues në vend, ku duket se e ka ves për të gënjyer për çdo gjë. Madje, duke e pabesueshme, por ai ka mashtruar edhe për numrin e gjelave të detit në zonën e Baldushkut.
Pothuajse çdo vit kryebashkiaku u bën ekspoze kronikash dhe promocion nga vendngjarja, por këtë herë duket se ka rënë në “gropën” që ngriti vitin e kaluar.
Një mashtrim publik me apo pa dashje, që duket se e ka vendosur në pozicion të sikletshëm.
Por këtë vit, po nga Baldushku, teksa ndodhej në prani të një prej vartësve të tij të njësisë administrative që shpjegonte produktin e këtij viti, Veliaj dëgjoi se si vitin e kaluar ishin prodhuar vetëm 25-30 mijë krerë gjela dhe pula deti dhe jo 45 mijë sikurse deklaroi ai më 2022!
“Pothuajse është dyfishuar rritja e gjelave për këtë vit, nga 25-30 mijë që ishte vitin që shkoi, në 45-50 mijë për këtë vit”, shprehet zyrtari.
Ndërkohë nuk mungojnë edhe komentet e ndryshme ku një nga personat e shumtë që ka reaguar ka qenë edhe anëtari i Këshillit Bashkiak të Tiranës, Ilir Alimehmeti, i cili ka shpërndarë edhe videon. Alimehmeti shprehet: “As gjelat nuk i la rehat! Mirë të tjerat, por pse duhet të gënjesh për gjelat e detit nuk e kuptoj dot?!” Seriozisht! Nuk ma rrok truri!
