Nga Petrit Vasili
Lojtarët e bixhozit zero tatim, profesionet e lira 23%, kjo është fytyra e qeverisë së Ramës!
Taksë 23% për profesionet e lira, që ta vjedhë qeveria me inceneratore dhe tendera!
Mijra qytetarë profesionistë dhe të vetpunësuar duhet ti paguajnë nga sot, 1 janar 2024, 23% taksë qeverisë.
Megjithëse mbijetojnë vetë me sakrifica pa fund dhe pa asnjë mbështetje nga qeveria sot duhet që me djersën e tyre të mbushin xhepat e qeverisë.
A janë llogaritë e shtetit në hall për këto lekë?
Absolutisht jo!
Të ardhurat e pritshme nga kjo takse 23% për profesionet e lira llogaritet të jetë rreth 28 milion euro.
Pra sa një km rrugë nga rrugët e florinjta, që tenderon qeveria e Ramës në vazhdimësi ose sa parate e nje tenderi të vetëm nga qindra tendera me 99% të vlerës që bën qeveria, ose nje grimcë nga qindra milionat e inceneratoreve që nuk ekzistojnë.
Kjo është një taksë hapur diskriminuese sepse ka biznese të tjera, që përjashtohen nga një taksim i tillë edhe pse krijojnë të njëjtin nivel të ardhurash.
Për shembull per turpin e saj qeveria vendos Tatim zero për lojtarët e bixhozit.
Pra efekti ekonomik në buxhetin e shtetit është thuajse asgjë duke llogaritur edhe se buxheti i shtetit është mbi 7 miliard euro.
Janë plot 169 profesione të lira që do të taksohen me 23%.
Këta mijra profesionistë, që perballojne vete pa asnje ndihme me kaq stres jeten e tyre dhe te familjeve te tyre, shtyhen në dëshpërim dhe shtrëngim ekonomik ekstrem.
Kjo taksë i shërben vetëm strategjise së zezë të qeverisë, për shpopullimin e sforcuar dhe asgjësimin demografik të Shqipërisë.
Ndërsa vendi humbet e varfërohet nga largimi këtyre i mijra profesionistëve, që emigrimin e kanë zgjidhjen e detyruar për mbijetesë.
Kjo pra ishte dhurata e Vitit te ri, farmak e hidhur, e qeverisë për këta mijra profesioniste.
