Ministrja e Infrastrukturës dhe Energjisë, njëkohësishtë dhe njeriu më i besuar per poste qeveritare, i kryeministrit Edi Rama, Belinda Balluku është marrë nën hetim nga Prokuroria e Posaçme.
Burime për median bëjnë me dije se fletëthirrja që mban firmën e prokurorit të Posaçëm Dritan Priençi, i është dorëzuar Ballukut në Ministrinë e Infrastrukturës dhe Energjisë ditën e martë.
Në fletëthirrje Ballukut i bëhet me dije se në momentin e paraqitjes në Prokurorinë e Posaçme duhet të jetë e shoqëruar nga një avokat, çka në raste të tilla lajmëron se mund t’i komunikohet akuzë penale.
Kjo nënkupton ndërkohë që me gjasë SPAK do ta ushtrojë ndjekjen penale ndaj numrit dy të mazhorancës pa masë sigurie e në këtë mënyrë prokurorët e posaçëm shmangin edhe kërkesën për autorizim në Kuvendin e Shqipërisë.
