Policia e Tiranës arrestoi sot një nga banorët e BBVIP3, Liam Osmani i njohur në publik si Liam Mandiro.
Ky i fundit iu bashkua spektaklit mbrëmjen e djeshme, si një nga banorët e rinj të reality shoë. Ndërkohë sot në shtëpinë e BB VIP3 zbarkuan forcat operacionale në zbatim të vendimit të Gjykatës, pasi rezulton se Liam Osmani (Mandiro) është i dënuar me 2 vjet e 6 muaj burg për mashtrim.
Mësohet se Liam Osmani ka hyrë në territorin e Shqipërisë rreth 10 ditë më pare, por çuditërisht nuk është kapur nga sistemi në aeroportin ndërkombëtar “Nënë Tereza” çka i ka mundësuar kalimin pa probleme.
Nuk dihet nëse në rastin konkret, ka pasur një mosfunksionim të sistemit të kontrollit në Rinas apo emri i banorit të BB VIP3 nuk ka qenë në listën e personave të shpallur në kërkim.
Materialet i kaluan Prokurorisë pranë Gjykatës Shkallës së Parë të Juridiksionit të Përgjithshëm Tiranë, për veprime të mëtejshme procedurale.
