Presidenti amerikan Donald Trump ka deklaruar se ai mund ta merrte në konsideratë faktin që mund të lejonte Izraelin që të rifillonte fushatë ushtarake në Rripin e Gazës nëse Hamasi nuk zbaton kushtet e marrëveshjes së armëpushimit.
“E mendoj një gjë të tillë që Izraeli mund të rikthehej sërish atje dhe mund ta bëjnë”, tha Trump.
Trump tha se lirimi i 20 pengjeve të gjallë izraelitë ishte parakusht dhe tani sipas tij, Hamasi tani duhet të përmbushë angazhimin e tij për të sjellë në Izrael edhe trupat e pengjeve të vrarë.
Nga ana tjetër, Hamasi ka bërë të ditur se dërgimi i trupave të vdekur “kërkon përpjekje të konsiderueshme dhe pajisje të specializuara ” dhe se është “duke punuar shumë për të përmbyllur këtë proces. ”
Javën e kaluar, Trump njoftoi se Izraeli dhe Hamasi ranë dakord në fazën e parë të planit që ai përcaktoi më 29 shtator për të sjellë armëpushimin në Gazë, për të liruar të gjithë robërit izraelitë në këmbim të të burgosurve palestinezë dhe për të pasur një tërheqje graduale të forcave izraelite nga i gjithë Rripi i Gazës.
Ndërkaq, faza e parë e marrëveshjes pritet të hyjë në fuqi këtë të premte.
Sipas marrëveshjes, Hamasi liroi 20 pengjet izraelite dhe ka dorëzuar trupat e tetë robërve të vrarë në këmbim të afro 2 mijë të burgosurve palestinezë.
Faza e dytë e planit kërkon krijimin e një mekanizmi të ri qeverisës në Gazë, pa pjesëmarrjen e Hamasit’, formimin e një force shumëkombëshe dhe çarmatimin e Hamasit.
Që nga tetori i vitit 2023, sulmet izraelite kanë lënë të vrarë mbi 67.900 palestinezë në Rripin e Gazës enklavë, shumica e tyre gra dhe fëmijë, dhe e kanë bërë atë kryesisht të pabanueshëm.
