Të hënën Partizani zyrtarizoi emërimin e Aleksandar Veselinoviç në krye të stolit të skuadrës së parë. Klubi i kuq njoftoi përmes një postimi në profilet zyrtare në rrjetet sociale.
Fakti se trajner i ri është një serb, nuk është pritur mirë nga një pjesë e tifozëve të kuq, por edhe nga tifozë kosovarë apo të skuadrave të tjera në vendin tonë.
Si asnjëherë tjetër, veçanërisht në “Facebook”, kanë vërshuar komentet kundër këtij vendimi, që sipas tyre është antikombëtar.
Vetëm në “Facebook” janë regjistruar afro 800 komente. Veselinoviç është trajneri i parë serb i Partizanit, por jo i pari që vjen në Shqipëri. Trajneri i Skënderbeut, ishsulmuesi Raçiç e dhjetëra të tjerë janë apo kanë qenë pjesë e futbollit shqiptar.
