Gurë, copa xhamash, mbeturina dhe stola prej guri të zhvendosur nga vendi. Kjo është panorama që ka mbetur përballë Kryeministrisë në Tiranë pas protestës së zhvilluar në kryeqytet.
Pas përfundimit të protestës, rruga para godinës së Kryeministrisë paraqitet e mbushur me sende të shpërndara dhe mbetje të ndryshme, ndërsa në disa pjesë të saj dallohen qartë xhama të thyer dhe gurë të lënë në tokë.
Pamjet nga zona tregojnë pasojat e tensioneve të regjistruara gjatë tubimit, me hapësira të ndotura dhe stola prej guri të zhvendosur nga pozicioni i tyre.
Ndërkohë, në zonë kanë mbetur vetëm disa efektivë policie, pasi protestuesit janë larguar. Rruga përballë Kryeministrisë vijon të pasqyrojë gjurmët e protestës, pas një mbrëmjeje të shoqëruar me tensione dhe incidente në kryeqytet.
