“Tifozat Kuqezi” në krah të protestës së të rinjve

Grupi i tifozëve të Kombëtares shqiptare, “Tifozat Kuqezi”, ka dalë në mbështetje të protestës që ka përfshirë studentët dhe gjimnazistët në vend. Lëvizja vijon në ditën e katërt, me të rinjtë që kërkojnë largimin e kryeministrit Edi Rama.
Protestat e zhvilluara në Tiranë gjatë ditëve të fundit janë shoqëruar me pjesëmarrje të konsiderueshme të të rinjve, por edhe me përplasje mes protestuesve dhe policisë, duke rritur tensionet në kryeqytet.
Mbështetja e “Tifozave Kuqezi” i shtohet reagimeve ndaj protestës, e cila nisi nga pakënaqësitë e të rinjve dhe tashmë ka marrë një drejtim të qartë politik, me kërkesa të drejtpërdrejta ndaj qeverisë.