Teuta kryen me sukses transferimin e parë të merkatos dimësore teksa nëpërmjet një njoftimi në faqen zyrtare në rrjetet sociale, bën të ditur marrëveshjen me Elmando Gjinin. Ky i fundit aktivizohet në rolin e qendërmbrojtësit teksa mbërrin në Durrës nga Italia, aty ku më parë ishte pjesë e moshave të Genoas ndërsa më herët ka luajtur edhe në Suedi me klubin e IF Brommapojkarn.
Vlen të theksohet se Gjini është pjesë edhe e Shqipërisë U21 të Alban Bushit duke koleksionuar tre paraqitje me fanellën e kuqezinjve. Pak ditë më parë, Teuta njoftoi mbylljen e bashkëpunimit me mbrojtësin Ardit Iljazi, por që bregdetarët lëvizën shpejt dhe e gjetën menjëherë zëvendësuesin duke firmosur me Gjinin.
|WELCOME ! ELMANDO GJINI!
KF Teuta ka kënaqësinë të njoftojë se qendërmbrojtësi, Elmando Gjini është zyrtarisht pjesë e skuadrës sonë. Klubi ynë ka arritur ditën e sotme një marrëveshje me lojtarin 21 vjeçar, i cili vjen te #Teuta vjen pas eksperiencës pozitive me ekipin e Xhenovës U21, ndërsa ka luajtur një sezon edhe në Suedi me klubin IF Brommapojkarn. Gjini i cili është njëkohësisht kontigjent i ekipit tonë përfaqësues U-21. KF Teuta i uron mirëseardhje qendërmbrojtësit #ElmandoGjini dhe i uron shumë suksese me fanellën e klubit tonë. #forcateuta
