Kandidatja e Partisë Demokratike në listën e hapur për Tiranën, Jorida Tabaku, vizitoi sot tregun e Laprakës për të parë nga afër situatën alarmante të bizneseve të vogla dhe boshatisjen e tregjeve në kryeqytet.
Gjatë vizitës, ajo pati mundësinë të bisedojë me qytetarë dhe sipërmarrës, të cilët i shprehën shqetësimet e tyre për rritjen e çmimeve dhe mungesën e mbështetjes nga shteti.
Një nga sipërmarrëset që punon e vetme në treg, në kushte të vështira, theksoi se sistemi është i padrejtë dhe nuk ofron shpresë.
“Këtu nuk ka drejtësi, nuk ka mbështetje, gjithçka është lënë pas dore!”, tha ajo.
Tabaku tha se ndryshimi do të vijë dhe se ajo do të jetë zëri i sipërmarrësve.
“Për ta ndryshuar këtë situatë, duhet një ndryshim i vërtetë. Dhe për këtë jemi ne këtu. Ti po flet me mua dhe unë do të jem zëri yt. Ne do ta thyejmë këtë padrejtësi!
Ashtu si në shëndetësi, edhe te taksat, edhe te arsimi, gjithçka është njësoj. Ne duhet ta ndryshojmë këtë sistem që i ka braktisur qytetarët”, tha Tabaku.
