Shorti për grupet e Botërorit 2026 do të hidhet sot në orën 18:00. Shqipëria bën pjesë në vazon katërt, ndërsa ndodhet në grupin e “play off” me Ukrainën, Suedinë dhe Poloninë. Fituesi nga kjo katërshe do të ketë një biletë në Botëror.
“Football Meets Data” që merret me studimin e statistikave ka treguar mundësitë për secilën përfaqësuese, që të fitojë kompeticionin më të rëndësishëm. Një studim që vjen para se të hidhet shorti, pasi më pas mundësitë ndryshojnë sërish.
Fituesi i Botërorit nuk pritet të dalë nga ekipet e “play off”. Të gjitha grupeve u jepen më pak se 1% mundësi. Çfarë bie në sy nga Europa është se grupi i Shqipërisë renditet më poshtë. Kështu mund të thuhet edhe se rrugëtimi i “play off” për Shqipërinë, është më i lehti i mundshëm.
Sa i përket fitimit të Botërorit, Spanja me 22% është e shkëputur nga pjesa tjetër. Kështu pritshmëritë janë të mëdha te kampionët e Europës, që do të përsërisin vitin 2010.
