Federata Shqiptare e Futbollit (FSHF) ka nxjerrë në shitje biletat për ndeshjen miqësore të Kombëtares kundër Jordanisë, e cila do të luhet më 14 tetor në stadiumin “Air Albania”. Por, ajo që vihet re janë çmimet e kripura dhe dyshimeve për manipulim.
FSHF, në njoftimin e saj, thekson se biletat do të shiten online përmes linkut të dedikuar. Çmimet e biletave variojnë, duke nisur nga 1500 lekë pas porte dhe duke arritur në 3000 lekë në tribunën qendrore.
Ka dyshime të forta se FSHF ka shpallur “sold out” disa zona të stadiumit përpara kohe, me qëllim që të krijojë përshtypjen se shitjet po shkojnë mirë, ndërkohë që kjo duket e pamundur për shkak të rëndësisë së ndeshjes dhe kundërshtarit modest.
Kjo lëvizje vjen pas kritikave për interesin e ulët të tifozëve për ndeshjet, dhe Federata duket po përpiqet të nxisë shitjet artificialisht.
