Kombëtarja shqiptare e futbollit do të luajë në Andorrë më 13 nëntor ndeshjen e parafundit të Grupit K eliminator të Botërorit.
Kjo sfidë është tejet e rëndësishme për kuqezinjtë, për të ruajtur vendin e dytë në grup, që do t’i siguronte një vend për në “play-of”.
Ndaj të besuarve të Silvinjos u duhet mbështetja e tifozëve për këtë sfidë.
Mirëpo sërish ndeshja e Kombëtares paraprihet nga një skandal i FSHF-së me në krye presdidentin Armand Duka.
Për transfertën në Andorrë, Federata nuk ka nxjerrë bileta në shitje për tifozët shqiptarë, por mesa shihet, agjencitë e udhëtimeve ofrojnë me çmime të larta.
Duka ua ka shpërndarë agjencive, që i shesin në treg me rreth 700 euro, ndërsa për tifozët e thjeshtë nuk ka bileta në shitje me çmimin zyrtar.
